[Transcriber's note: Spelling (including typographic errors) in the original has been preserved without correction, for instance the use of u and v, the lapsus at Coprosma, numbering of Dacrydium cupressinum, and numerous errors in the Index. This HTML document contains URL fragment identifiers of the form #Agenus and #Agenus_aspecies, in all such URLs the spelling of taxonomic names conforms to current standards, e.g. #Cassytha not #Cassyta, #Gnaphalium_trinerve not #Gnaphalivm_trinerue.]
AVCTORE
GEORGIO FORSTER M. D.
SERENISSIMO REGI POLONIAE A CONSILIIS INTIMIS HISTORIAE NATVRALIS ET BOTANICES IN ACADEMIA VILNENSI P.P.O. ACADEMIAE CAESAREAE NATVRAE CVRIOSORVM REGIAE MEDICAE MADRITENSIS REGIAR. SOCIETATVM SCIENTIARVM LONDINENSIS ET HAVNIENSIS SOCIETATVM ANTIQVITATVM ET REI AGRARIAE QVAE CASSELLIS SVNT REI AGRARIAE CELLENSIS ET NATVRAE SCRVTATOR. BEROLINENSIS SODALI NEC NON REGIIS SOCIETATIB. GOTTINGENSI SCIENTIARVM ET PARISINAE REI AGRARIAE LITTERARVM COMMERCIO CONIVNCTO.
GOTTINGAE
TYPIS JOANN. CHRISTIAN. DIETRICH.
MDCCLXXXVI.
EXCELLENTISSIMO ET CELEBERRIMO
ANDREAE SPARRMANNO
MEDICINAE DOCTORI
PROFESSORI HISTORIAE NATVRALIS
MVSEI HOLMIENSIS ACADEMICI PRAEFECTO
ACADEMIAE REGIAE SCIENTIARVM HOLMIENSIS
SOCIETATIS PHYSIOGRAPHICAE LVNDINENSIS
MEMBRO &c.
FLORVLAE
COMMVNI STVDIO ORNATAE
RECENSUM
D.
GEORGIVS FORSTER.
Ex itinere circa globum terraqueum redux anno MDCCLXXV, coniunctim cum patre optimoCharacterum nouorum generum plantarum adumbrationem typis tabellisque aeneis exaratam publici iuris feci. Hanc breui, vt sperabam, ita pollicebar descriptiones integras stirpium orbis australis insequuturas. Haud igitur ab re esset enumerare caussas, quae harum diuulgationem impediverunt; verum piget querelis quamuis iustis immorari.
Interim vndecimus ab editione nouorum generum vertitur annus. Species plantarum complures, a nobis primum detectae, alienis curis prodierunt in lucem, siue quod in solo natali iterum deprehensae fuerunt, siue quod, etsi a nobis mutuatae, alieno nomini minus religiose illae addictae sunt. Facile quidem tolerari poterat iactura tantillae, inuenti legitimis auctoribus erepti, gloriolae. Sed non potuit non vitium subrepere descriptiunculis alienis iuxta sicca plantarum exemplaria congestis et festinanter nimis in medium prolatis. Quae cum ita essent, iam vltro videbar adstipulari erroribus, ni publice in eosdem animaduerterem. Attamen eadem, quae olim, obstacula manum nostro operi admotam inhibent. Qui in colligendas hasce naturae diuitias aes publicum impenderunt, ad earundem communicationem cum orbe erudito sumtus denegant, librarii redemtionem recusant; vetat res{7} familiaris tot figurarum scalpturas, quae descriptionibus illustrandis inseruiunt, priuatis opibus moliri. Quid multa? Praemittendum itaque exploratoris vice catalogum Florulae Polynesiae constitui, certiorem me redditurum, num in promtu mihi sint auxiliatrices manus, quibus omnibus his